Le che´a´ mi yan ka´a p´éel wa jo´o p´éel meetros u ka´analil; u pache´ ya´ab u tsotsel yan yéetel saktak; u le´o´obe´ yok´ole´ ya´ax yéetel yanale´ sak; u lole´ k´anpile´en; u yicho´obe´ bek´echtak yéetel u chan kots´muba; ku lolankil tulákal le jáabo yéetel ku yantal tu jáal bejo´ob.

Ba´ax u belal. Ku ts´akik páal ma´ malo´ob u t´an.

Ba´ax beetik. Ma´ ojela´anil.

Bix u k´a óoltal. Tumen le páalo´ ma´ tu t´an tu bel.

Bix u ts´akal. U yich le xíiwa´ ku ts´abal ichíl u chi´ le páalo´ ts´o´okole´ k´abetxan u peeksis yéetel u yak´.